Naiza nahi badla koi khanjar nahi badla

Naiza nahi badla koi khanjar nahi badla
Qatil to badalte rahe yeh sar nahi badla.
Muddat se gareebon ka muqadar hai yeh footpath
Chadar nahi badli koi bistar nahi badla
Pehle ki tarah aaj bhi ghar jalte hain mere
Sarkaat badalne se bhi yeh manzar nahi badla
Mumkin hai ki dhoondne ajaye woh mujh ko
Mein ne isi umeed se yeh ghar nahi badla.
By manzar bhopali